Serie C lamah Sampdoria an tla

Italy lama football inelna sang ber chu Serie A a ni a, chumi hnuaiah chuan Serie A a awm - Italian club langsar zinga mi ni ṭhin Sampdoria chu Serie B aṭangin an tla! Season tharah chuan Serie C team an ni dawn.

Sampdoria hi an din aṭangin kum 78 a liam tawh, a vawi khat nan Serie C an khel ang. Tun season atana Serie B an match hnuhnung berah Juve Stabia nen goal awm loin an inhnehtawk a, an inhamtang zo ta lo a ni.

League match 38 an khelh aṭangin Sampdoria hian point 41 an hmu a, team 20 inel zingah 18-na an ni; an hnuaiah Cittadella leh Cosenza te chauh an awm a, playoff khel tur pawin an tling zo lo.

Serie A 1991 champion Sampdoria hian 2022–23 season zawh rual khan inelna sang ber an mangṭha a, chumi hnuah Serie B an khel. Indinthar leh tumin kum 2023 June khan coach atan Andrea Pirlo an la, mahse a thawhchhuah pui zo ta chuang lo a ni.