LBS Suzuki CYMA Football Khawlailung Vs Vaivakawn

LBS Suzuki 22nd Inter Branch YMA Football Tournament third round chu vawiin hian khelh chhunzawm a ni dawn a, RG Stadium-ah chauh inkhel a awm dawn. Chhun dar 12:15-ah Vaivakawn leh Khawilailung te an inkhel ang.

Khawlailung hian match hmasa berah Dinthar chu 2-0 in an hneh a, Delhi FC tana khel K. Vanlalhriatzuala a che ṭha a, mamawh hunah tak tawnhriat nei ṭha R. Lalthantluanga'n (Lalmama) goal a khung bawk. Vawiin hian Khawlailungin Dinthar ṭhenawm Vaivakawn hneh an tum zui dawn.

Vaivakawn hi AFC A Licence coach Lalruatliana Sailo (Tawia) enkawl an ni a, Lalengmawia Ralte (Apuia) nei mah se India aiawha khel tur Apuia an ziak lut lo. Apuia tel loin Vaivakawn hian West Serzawl 14-0 in an sawp a, Khawlailung lakah erawh khelh fuh loh chuan tla thei an ni thung. Vawiin hian champion rinkai zinga mi Bethlehem Vengthlang pawh an inlan ang.