Arsenal tan fimkhur a ngai

Premier League champion nih an beisei ṭhin a, tunah chuan Arsenal tan Champion League khelhna tur ticket neih chu a pawimawh a ni ta zawk. Pathianni zan dar 9:00 hian Emirates Stadium-ah Newcastle United an lo mikhual ang.

Gunners hian match 36 aṭangin point 68 an hmu a, pahnihna dinhmun la luah mah se pathumna Magpies aia an sanna chu point hnih chauh a ni, an mikhual hi an ngam lo a nih chuan an dinhmun an rawn chhuhsak nghal thei dawn bawk a ni.

Mikel Arteta naute hian Newcastle bakah league khar nan Southampton an la hmachhawn dawn bawk a, pahnihna tala season khar turin chetsual a remchang tawh lo.