Hurkacz hnehtu Tommy Paul

Italian Open khelh laiah Tommy Paul chuan Hubert Hurkacz chu 7-6 (7/4), 6-3 a hnehin semifinal a lut a, nizan zanlai khan Jannik Sinner nen final luh inchuhin an inkhel zui a, result erawh kan hre hman lo.

Kum 27 mi Paul chuan, "Ka tan chuan thil engkim kha duhthusamin a kal ni berin ka hria," a ti a, a kum zawnin Italian Open semifinal a lut a ni a, a tan chuan Rome khawpui hi hmun ṭha tia sawih theih a ni ang.

Inkhel dangah Sinner chuan Casper Ruud chu 6-0, 6-1 in a hneh ve bawk. Ruud hi Madrid Open champion hlim a ni a, clay court hi a tan hmun ṭha a ni ṭhin bawk. Mahse, a hmaa ding Sinner lakah a ṭang zo ta lo a ni.