Tawia enkawl Vaivakawnin Khawlailung an pet tla

LBS Suzuki 22nd Inter Branch YMA Football Tournament-ah Vaivakawn chuan Dinthar hnehtu Khawlailung an pet tla. Khawilalungin player an nei ṭha zawk a, mah se Vaivakawn hi AFC A Licence coach Lalruatliana Sailo (Tawia) enkawl a ni a, RG Stadium-a inkhelah coach pawimawhna a lang.

Inrinni inkhelah Khawilalung hian ṭum thum ngawt hma hruai mah se Vaivakawnin an sut vek a, a tawp ber hi injury time-ah pawh minute sarihnaah Vanlalhriata freekick hmangin an sut a, hun a tawp zui. Penalty shootout-ah pawh Khawilalung tan chakna remchang awm mah se ṭum sarih pet zawhah Vaivakawn 5-4 in an vannei ta zawk.

Inkhel dangah champion rinkai zinga mi Bethlehem Vengthlang chuan Zanlawn 5-0 in an sawp a, ISL player K. Lalthaṭhanga'n (Puitea) goal khung lo mah se man of the match-a thlan a ni. Tun hmaa MPL club nei ṭhin Reiek pawh an la kaltluang zel a, Maite 3-2 in an hneh.