Indo hnuah IPL an khel ṭan

India leh Pakistan indo vangin Indian Premier League chawlh lailawk a ni a, inkar buaina zual zel tur tih ziaawmna tura inkahhai puan a nih hnuah IPL pawh Inrinni aṭang khan chhunzawm leh a ni.

Inrinni khan Royal Challengers leh Kolkata Knight Riders te inkhel tur an ni a, ruahsur vangin ball vawi khat pawh an vawm lo. Zanin hian inelna chhunzawm a ni dawn a, Lucknow Super Giants leh Sunrisers Hyderabad te zanin dar 7:30-ah an inkhel ang.

IPL-ah hian team 10 an awm a, a hnuai lama awm team panga Kolkata Knight Riders, Lucknow Super Giants, Sunrisers Hyderabad, Rajasthan Royals leh Chennai Super Kings tan semifinal luh beiseina a tawp tawh. League round hi ruahman danin May 27, Thawhlehniah inkhel a tawp dawn. Knockout round hi May 29, Ningani aṭangin khelh ṭan a ni ang a, final hi June 3, Thawhlehniah khelh a ni ang.