Hnehna nen Bayern-in a tawp khar

Inrinni zan khan Bundesliga 2024-25 season chu khar a ni a, champion Bayern Munich chuan an match hnuhnung ber atan Hoffenheim 4-0 in an hneh a, striker ṭha Harry Kane chuan a vawi hnih nan goal khung tam ber dinhmun a chelh bawk.

Vincent Kompany enkawl Bayern Munich hian kar hnih liamta khan Bundesliga title an la dawn tih an nemnghet tawh, champion chiang tawh an ni chungin an inthlahdah chuang lo.

Rhein-Necker Arena-a inkhelah Michael Olise, Joshua Kimmich, Serge Gnarby leh Harry Kane te chuan goal khat ṭheuh an khung a, mualneitu lamin a chhanletna tur an nei lo thung.

Bayern Munich striker Kane chuan goal 26 khungin a kum zawnin top scorer a ni a, England captain hian Bavarians tan season hnih chhungin league bikah match 63 a khelh aṭangin goal 62 a khung thei a ni.