Arsenal hotuten hlawh la kim dawn lo
Covid-19 vangin football a khelh theih rih lo a, harsatna thleng mek vang hian Arsenal executive team chuan kum khat (thla 12) chhung chu an hlawh an la kim dawm lo, hei hi club-in harsatna a tawh lian lutuk tur sut kian theih beiseina vang a ni.
Gunners hian hna thawktu dangte chu an hlawh a kimin an pe thung dawn. Player leh thawktu dangte chu an hlawh lak kim leh kim loh chungchangah chuan mimal thutlukna a nih thu an sawi bawk.
Premier League chuan player hlawh hi 30% tih hniam an lo rawt tawh. Mahse, Professional Footballers Association chuan an hlawh tih hniam ringawt hian chhiah chawina lamah harsatna a thlen theih avangin an pawmpui lem lo.
Arsenal chuan, "Kum 134 chhungin tun hi kan hun tawn harsa ber zinga ngaih theih a ni a, hun lo ka zel turah engtiangin nge min nghawng dawn pawh a la hriat loh, theihtawp kan chhuah tlan a ngai," an ti.
English media lian Guardian-in a tarlan dan chuan Arsenal hian Champions League khel tura an tling zo lo a nih chuan, an player-te chu an hlawh 12.5% ti hniam turin an lo ti tawh a, mahse player lamin hetianga thil tih hi an duh lo thung.
Tun season kal laia match khelh hmabakte hi entu awm loa an khel a nih chuan Gunners fan-ten an ticket neihsa chu an thleng let thei dawn a, an khelmuala match an neih ṭuma hnathawk an chhawr ṭhinte pawh an hlawh pangngai an pe ang.