Zanina City leh Cherries

Manchester City-in Pep Guardiola hnuaiah nomawi chawi loin season an khar dawn a, season chhe tak hi a la chhiat belh thei. Premier League champion lai hi Champions League khel lo thei dinhmunah an ding mek. Zanin dar 12:30 hian Man City-in Etihad Stadium-ah Bournemouth an mikhual ang.

Premier League-a a sang pangain UCL an khel dawn a, Liverpool leh Arsenal ten Europe inelna sang ber khelh thehina ticket an nei tawh. Hmun ruak pathum hi club panga Newcastle United, Chelsea, Aston Villa, Manchester City leh Nottingham Forest ten an inchuh mek.

Pep-a hote hian zanin hian Bournemouth an hneh chuan parukna aṭangin pathumnaah an invawrhchho dawn. Match tawp bera Fulham an hmachhawn hunah an kutah engkim a awm thei ang. An chak loh erawh chuan club dang kutah an innghah a ṭul dawn a ni.