Sinner hnehin Alcaraz a champion

Carlos Alcaraz chuan world number 1 Jannik Sinner hnehin Italian Open nomawi a chawi - Spanish tlangval hian Pathianni zan khan a zawna match 26 chak thei Sinner hi 7-6 (7-5), 6-1 in a hneh.

Italian tlangval Sinner hi thla thum chhung hremna hmang zo hlim a ni, an hrem hma lama a lo chak tawhna nen a chak zawn rei hle. Anmahni ramah ṭantu a ngah bawk a, mahse Alcaraz lakah a ding zo ta lo.

Kum 22 mi Alcaraz chuan, "Rome khawpuiah a vawi khat nan nomawi ka chawi ve ta, ka tan chuan hun chhinchhiah tlak bik a ni. Jannik pawh inkhel tura a lo kir leh thei ta hi ka lawmpui hle," tiin a sawi.