Panganaah Swiatek tlahniam

Hmeichhe tennis world ranking chhuak tharah Iga Swiatek chu pangana a ni a, inelna lian French Open an khelh hunah seeded hmasa a chang thei dawn lo, player ṭha nen an inhmachhawn hma dawn tihna a ni nghal bawk.

Kum 23 mi Swiatek tan French Open hi hmun ṭha a ni a, a zawna vawi li champion turin hun ṭha a nei dawn - clay court inelna lian berah hian tun hnai kum thum chhung chu a zawnin a champion vek, hei bakah hian kum 2020 khan a lo champion tawh bawk a ni.

Nikum tawp lam aṭang khan Swiatek hi a tlahniam, hrem a tawh hnuah inkhel leh mah se tun hma lama a boruak ang kha a la nei leh thei rih lo, clay court season an hman lai hi a tan dinhmun siamṭhat leh theihna tur remchang a ni ang.