A chungah Sinner leh Alcaraz

Mipa tennis thuneitu sang Association of Tennis Professionals (ATP) chuan world ranking thar an ti chhuak a, a chung berah Jannik Sinner awmin a dawtah Carlos Alcaraz a awm thung.

Tuna ranking awm lai hi French Open khelh hun atan hman a ni tawh dawn, clay court inelna lian an khelh hunah chuan Sinner leh Alcaraz te hi final hma chuan an inhmachhawn thei dawn lo tihna a ni.

Italian Open khelh zawh takah pawh khan player pahnih hian nomawi an inchuh, inkhel hmuhnawmah Alcaraz a chungnung zawk - French Open an khelh hunah pawh player en bik an ni chhunzawm ngei ang.

Italian Open 2024 champion Alexander Zverev-a'n quarterfinal-ah Lorenzo Musetti a hneh loh avangin nomawi a hloh a, German tlangval hian a vawi khat nana Grand Slam champion nih a duh chuan Paris khawpui a pan hmain insiamṭhat a mamawh.