Khawbel hmaah Anastasia

EverHome Pro Volleyball League chu zanin hian mipa semifinal hnuhnung zawk khelh a ni dawn. Team thar Khawbel leh Anastasia Electric Veng te an inhmachhawn ang.

LPS Arena, Falkland Vengah an intawng dawn, a hmuna en duh tan kal hma a ngai ang. TV lamah chuan LPS-in an live dawn a, YouTube lamah man chawiin en theih a ni dawn bawk.

League round kan thlir chuan Khawbel an sang zawk, pahnihna ni chungin semifinal hi an lut. Mahse, team pahnih intawnah Anastasia hian 3-1 in an hneh, zaninah tunge chungnung tak tak zawk chu chinfel a ni ang.

Anastasia hian kum ruk hnuah PVL an khel leh chauh a ni a, playoff kaltlangin an inlan. India captain hlui Karthik Madhu an nei a, tawnhriat a neih ṭhat bakah a theihna a la sang tawk, innghahna tham a ni tih a takin kan hmu fo tawh.

Khawbel hian Tanish Choudhary an nei ve thung a, ani hian an intawn hmasak ṭumin point 38 teh meuh a hlap chhuak a, tihsual vawi 11 an nei thung. Tualchhung player-ten an thlawp ṭha bawk a nih chuan tun hma lama champion tawh Anastasia lehthal an tum ngam ang.