Spurs legend ka ni - Son

Tottenham Hotspur captain Heung Min-Son-a'n club tana nomawi a chawi hma chu Spurs legend tia koh a phu loh thu a lo sawi tawh a, a season 10-naa a chawi meuh chuan club legend a nih thu a sawi ta.

Son chuan, "Vawiinah na na na chuan legend ka inti ve thei tawh ang chu! Kum 17 chhung khan eng nomawi mah kan chawi lo a, tunah chuan kan ti ta - he club legend hi ka ni, nuam ti takin i lawm phawt mai ang," a ti!

South Korean forward chuan sawi zawmin, "A ropui takzet. Hei hi ka duhthusam chu a ni a, a tak ram a thleng ta. Khawvela mi hlim ber ka ni hial ang! Player inhliam kan nei nual chungin kan ṭang ho tlat a, player naupang zawkte pawhin mawhphurhna an hlen ṭha ṭhin hle.

"Kei pawhin ka phak tawkin thu ṭha ka hrilh ve ṭhin a, hetiang ang player ṭha rual kianga ka khel thei hi ka vannei hle - anni vangin tournament duhawm tak kan khel a ni," a ti.

Kum 32 mi Son hian August 2015 khan Spurs hi pound maktaduai 22-in a zawm a, match 454-ah goal 173 khungin, assist 101 a nei a, tun hi a career-a nomawi a chawi hmasak ber a ni.