Min duh loh chuan ka chhuak ang - Amorim

Manchester United-in beiseina sang tak nena an lakluh, coach Ruben Amorim chuan nomawi chawi loin season a khar dawn a, league-a an dinhmun lah an club leh sum sen zat ngaihtuah chuan 'zahthlak' tih hian a hrilhfiah ber.

Mahse, Europa League final an khelh hma khan United thuneitute chuan an champion emaw, champion lo emaw, Amorim chunga rinna an nghah chhunzawm tur thu an sawi a, an tlawm ta ngei a, Portuguese manager hma hun a chiang chuang lo.

Amorim chuan, "Ka hma hun sawi chiam ka tum lo a, fan-te hnenah engmah chhawp tur ka nei rih lo a, tun dinhmunah chuan min rin tawp mai hi an tih theih a ni rih. Fans leh club board-ten he club tana ṭha tawk loah min ngai a nih chuan, zângnadawmna chungchang sawi loin, a tukah ka chhuak nghal ang," a ti!

Kum 40 mi coach chuan sawi zawmin, "Mahse, ka beidawng mai dawn lo. Ka hnathawhah ka chiang a, inhmuh angin, ka hnathawh danah thil thlak danglam ka tum hek lo," a ti a, season tharah United-in an la ring dawn a nih chuan 3-4-2-1 bawk kan hmun nawn dawn a nih hmel.