Mumbai-in Delhi sawpin playoff an lut

Indian Premier League-ah playoff khel tur a chiang ta a, Mumbai Indians-in inkhel pawimawh bikah an elpui Delhi Capitals chu 59 runs-in an hneh. Nilaini zan inkhelah Mumbai bat hmasain 180/5 runs an siam a, Delhi lamin 18.2 overs-ah 121 siamin an thi fai vek.

Mumbai tan Suryakumar Yadav a che ṭha a, ball 43 lekah 73 runs siamin a tawp thelngin a dam. SKY chet ṭhat zarah Mumbai dinhmun a ṭha a, Wankhede Stadium-ah an bowler-te an che ṭha tel bawk.

MI chhuanvawr Jasprit Bumrah (12/3) leh Mitchell Santner (11/3) ten wicket thum ve ve an la a, Delhi tana che ṭha ber Sameer Rizvi-a'n 39 runs siamin team chhanhim tur khawpa che ṭha an awm lo. Mumbai-in point hnih an hmuh belh avangin point 16 an hmu a, point 13 hmutu Delhi tan umphak ngaihna a awm tawh lo.

Playoff khel tur chiang tawh mah se team dinhmun a la chian loh avangin knockout china intum tur a la hriat loh. Zanin dar 7:30 hian Royal Challengers Bengaluru leh beisei nei tawh lo Sunrisers Hyderabad te an inkhel ang.