Ram tan Messi a inlan dawn

Argentina chuan an captain Lionel Messi hoin World Cup qualifier an khel dawn. World Cup khel turin Argentina hi an tling tawh a, mahse coach Lionel Scaloni chuan Messi hi hahchawlh tir mai loin inkhelh tir a tum.

An match hnuhnungah hliam vangin Messi hi a inlan lo. Tunah chuan Chile leh Colombia hmachhawn turin an inbuatsaih chho mek a, nakkum maia inelna lian hmachhawn tur an nih avangin team nghet tak din a pawimawh.

Argentina hian June thlatir lamah match pahnih hi an khel dawn, chumi hnuah Inter Miami tan FIFA Club World Cup a khel zui leh nghal ang. June 14 hian Egyptian club Al Ahly an hmachhawn dawn a ni.