Portugal tan Ronaldo inlan zel dawn

Portugal coach Roberto Martínez chuan Germany nena Nations League semifinal an khelh tur atan squad a puang a, player 27 koh zingah Cristiano Ronaldo chu hming langsar a ni.

Ronaldo hi kum 40 mi a ni tawh, a vanglai pel deuh tawh mah se a theihna a la sang reng. Ronaldo kianga khel tur zingah hian kum 18 mi Rodrigo Mora chu koh zingah a tel ve bawk.

Coach Martinez chuan, "Mora hian Porto tan season ṭha tak a hmang a, tun hnai thla ruk chhunga a chet dan chhut hian Portugal tana khelh a phu," a ti. Porto tana a match hnuhnung pakua aṭangin goal sarih a khung a, ram tana an ko hi a mak lo.

June 4, Nilaini zanlaiah Portugal leh Germany te hian Munich khawpuiah Nations League semifinal an khel dawn a ni.