Mizoramin Punjab hnehin semifinal an lut; Semifinal-ah Mizoram Vs Meghalaya

Swami Vivekananda Under-20 Men's National Football Championship-ah Mizoram chuan nimin zing khan Punjab an hneh a, semifinal an lut. Ramakrishna Mission Ashrama Ground, Chhattisgarh-a inkhelah Michael Lalbiaksanga leh PC Pazawna te goal hmangin Mizoramin hma hruai mah se minute 90 zawhah 2-2 a ni. Extra time-ah goal a luh belh lo a, penalty shootout-ah Mizoram captain Joel B. Lalramchhana'n a theihna lantirin 4-2 in an vannei ta zawk.