CYMA Football Quarterfinal: En man Rs 50 chauh

LBS Suzuki 22nd Inter Branch YMA Football quarterfinal chu vawiin aṭangin RG Stadium-ah khelh a ni dawn a, ni hnih awh a ni ang. Inkhel en man hi Rs 50 chauh a ni a, mahni veng emaw football hmuhnawm en tan chuan a manhla hle.

Tun ṭum CYMA Football inelnain ngaihven a hlawh a, entu mipui an ṭhahnem ṭhin. Quarterfinal chinah entu an tam lehzual dawn a, Aizawl khaw chhung la dam chin Armed Veng South, Bawngkawn, Bethlehem Vengthlang, Durtlang leh Republic Vengte hi ṭantute nei ṭha tak vek an ni.

Aizawl khaw pawn lamah la dam Sialhawkin ṭantu an nei ṭha a, boruak siam thiam khua an ni. Kawnpui aiawh team pahnih Kawnpui Venglai leh Kawnpui Vengthar te hi an ṭanrual hiam chuan, entu lamah inthlawp tawn thei tur an ni bawk.

Inkhel hi Zonet Rinhnim leh Zonet YouTube Channel-ah live telecast ṭhin a ni.