Northeast zonal blind football

Mitdel football hmanga inelna - North East leh East Zone aṭanga State hrang hrang inelna chu nimin aṭang khan Guwahati, Assam-ah neih ṭan a ni a, inelna hian May 28, Nilaini thleng a awh ang.

Tournament hmachhawn tur hian Mizoram aṭangin mipa leh hmeichhe team pawh an chhuak a, Inrinni tlai khan Guwahati an pan a ni.

Blind football hi 5a-side game niin ball ri thei hmanga inkhel an ni a, keeper atan mitvar hman an ni. Goal guide awm ve in, anni hian goal post awmna an lo hrilh ṭhin bawk a ni.

Mizoram hi Northeast zonal hnuhnung berah women's team champion an ni a, mipa team hi pathumna an ni bawk. Tun ṭumah pawh champion beiseina sang tak an nei bawk a ni.

Mizoram team hi Aizawl Smart City Ltd-in an sponsor a, an chungah MBSA chuan lawmthu an sawi bawk a ni.