Premier League-ah Sunderland an lo kir e!

Mizo football fans inti chin chuan Sunderland an hre vek ang - tunah chuan Premier League khel turin Black Cats hi an lo kir leh ta a, season tharah chuan English top flight league an khel ve leh dawn ta.

Sunderland hian Inrinni zan khan Championship playoff final-ah Sheffield United chu 2-1 in an hneh a, EPL khel turin an kir.

Season hmasaa relegate Sheffield hian Tyrese Campbell hmangin goal hmahruai an khung a, Black Cats tan Eliezer Mayenda leh Tom Watson ten chhangletin an chak a, season tharah Premier League an khel dawn.

Sheffield an phur

Season hmasaah Premier League aṭangin Sheffield an relegate a, team 20 zingah 20-na an ni - season laihawlah an coach hlui Chris Wilder la letin a chhanhim zo lo a, a hoin EPL-ah kir lehnghal an tum.

Sheffield-in season bul pawh an ṭan ṭha viau a, automatic-a EPL tling ta Leeds United leh Burnley te nen an intluk tawk hle. Mahse, April thlaah a zawn zatin Oxford United, Millwall leh Plymouth Argyle an ngam lo a, playoff khelh a ngaih phah.

Semifinal-ah pawh inkhel pahnih belhkhawmah 6-0 zeta chakin Bristol City an pet chhuak a, final-ah pawh goal an khung hmasa - minute 25-naah Tyrese Campbell chuan a khung a, Wembley Stadium thawm a ring takzet.

A tawpah Sunderland

Sheffield tan hian Harrison Burrows chuan khung belhna remchang nei mah se, video assistant referee (VAR) in offside a tih avangin Sunderland an vannei - second half-ah Black Cats hi an 'comeback' zui.

Minute 76-naah Eliezer Mayenda chuan si phurh sutna goal a khung a, thawm chu ring tak a ni! Hun pek belh a ni tawh a, 1-1 a la nih laiin Tommy Watson a inlar.

Kum 19 mi winger hian hun pek belh minute nganaah chakna goal a khung - Watson hian thla hmasa lawk khan Brighton & Hove Albion a zawm tur thu a tichiang a, a club hlui chu Championship-a hnutchhiah mai loin, Premier League a hruai kai.