Timberwolves an chak ve thung

Minnesota Timberwolves chuan nimin zing khan Oklahoma City Thunder 143-101 in an hneh. NBA Western Conference finals khelh laiah Timberwolves hi an match hmasa pahnihah an chak lo a, game 3 an lak ve leh tak avangin 2-1 in an hnufual ta chiah.

Target Center-a inkhelah Anthony Edwards chuan point 30 a nei a, point 24 neitu Julius Randle a langsar bawk. Edwards chuan, "Chak lo leh ni ila chuan kan rilru a hnual tawh ngawt ang.

"Mahse, beiseina nen match kan khel a, huaisen taka kan khelh rah chu a tawpah kan seng," tiin a sawi. May 27, Thawhlehni zing dar 6:00-ah game 4 an khel leh dawn a ni.