F1 ruahmanna thar
Season ṭan thei loa la awm mek Formula 1 chuan ruahmanna thar an nei, an beisei dan chuan entu nei loa Austrian Grand Prix an tlan hnuah Silverstone tlan kanwgah fans awm lo bawkin inelna pahnih neih chhunzawm an tum.
F1 inelna hi March thla khan ṭan tur ni mah se Covid-19 vangin an la tlan thei lo, inelna neih hmasak tur pakua ngawt chu a hun sawn a ngai.
July 3-5 chhung hian Austria rama inelna neih tum a ni. European ram zingah chuan Austria hi inkharkhipna hlip hmasa an ni a, mipuite chu a theih chin chinah in aṭanga hna thawk turin ngen mah se sumdawnna dawr an hawng tawh.
Hri leng vangin khawvel a buai a, tuna ruahmanna siam pawh hi a hman tlak dawn em tih hriat a la ni lo. Vawi tam tak ruahmanna siam a lo ni tawh a, season calendar hial pawh tih danglam a ngai dawn.