Bazar an hawi nghal!

Liverpool-in league match li khelh tur la awmah champion an nemnghet a, Champions League-ah beisei tur an neih tawh loh bawk avangin season thar atan inbuatsaihna an kalpui ṭan der - transfer bazar-ah pawh thawm an nei na hle.

Reds hian Bayer Leverkusen right back Jeremie Frimpong chu an la lut dawn tih a chiang tawh a, official taka puanzar hun chu an nghah a ni deuh mai tawh.

Hei mai a ni lo. Leverkusen attacking midfielder Florian Wirtz chu Liverpool hian lakluh tumin an dawr bawk a, pound maktaduai 120 chuang man player hian amah duhtu ve tho Bayern Munich aiin Liverpool pan a duh zawk nia sawi a ni.

Bournemouth left back Milos Kerkez pawhin Liverpool a zawm hnai a, Reds hian player pathum transfer hi an tihfel zawhah striker thar zawngin bazar lam an hawi lehnghal dawn niin an sawi.

Liverpool boss Arne Slot chuan, "Player thar lakluh kan tum a, a hma thei ang bera tihfel kan duh. Vawiin aṭanga bazar lam hawi chauh kan ni lo a, a phenah rim takin hna an thawk reng tawh a ni," a ti a, player thar an dap thu a pha lo.