Liverpool tana champion a ropui

Premier League-a a season khatnaah Arne Slot a champion nghal a, Dutch coach chuan, "Eng nomawi emaw chawi hi chu engtiklai pawhin a nuam a, mahse, club ṭhenkhatah chuan a nuam lehzual a nih hi!

"Feyenoord khan fans, club atchilh tak tak an neih avangin hetiang hun hlimawm hi ka lo tawng tawh a, kha aimah khan he hmunah hian a ropui hialin ka hria," a ti a, Liverpool tana champion chu a ngaihlu hle.

Kum 46 mi Slot chuan, "Hetiang hi chu in beisei bik lo mai thei. Tun hnaia EPL season thlir ila, a tawp thlengin champion tumin, club pahnih emaw pathum emaw an inum ṭhin. Chutiang ang league ropuia tel hrim hrim chu a hlu a, kan la champion zui," a ti.

Slot chuan champion theih a inrin ṭanna sawiin, "Season ṭantir lama Manchester United kan hneh khan inrintawkna min pe. Anni hma khan team ṭha deuh deuh kan tum tawh a, mahse, Old Trafford-ah, top six ni thei tura beisei club kha 3-0 in kan hneh a ni.

"Khatah zet chuan, 'League nomawi kan beisei thei dawn a nih hi,' ka ti a, khualmuala 2-0 a Manchester City kan hneh kha chuan team dang tan um phak kan harsa dawn tih ka hre tawh," a ti.