Thunder tan NBA Finals a hnai

Oklahoma City Thunder chuan nimin zing khan Minnesota Timberwolves chu 128-126 in an hneh a, NBA Finals lut turin match khat chauh an hmabak tawh.

Target Center-a inkhelah Shai Gilgeous-Alexander chuan point 40 tehmeuh neiin Thunder chak theihna hnar a ni. Western Conference finals khelh laiah, Thunder hian 3-1 in hma an hruai ta a ni.

Gilgeous-Alexander chuan, "Kan match hmasa lama kan tihfuh tawk lohna kan siamṭha a, a tir aṭanga inkhel thunun pawimawhzia pawh kan hria, kan duh ang taka kan khel chhuak thei kha a lawmawm," a ti.

May 29, Ningani zing dar 6:00-ah game 5 an khel dawn. Thunder tan chak tlang turin vawi khat chak a tawk a, an khingpui Timberwolves tan erawh NBA Finals lut tur chuan an hmabak zawng zawngah chak vek a ngai tawh thung.