Villa-in Rashford an la nghet lo

28th May, 2025

Aston Villa chuan loan hmanga an hawh Marcus Rashford an la nghet lo a, English forward hi Manchester United-ah a kir dawn. Ruben Amorim-a'n Man United-ah thuneihna a chelh avangin kum 27 mi Rashford hi nipui bazarah a chhuah tho rin a ni.

Man United academy chhuak Rashford hian Villa tan league match 10 khelin goal hnih a khung a, FA Cup match thumah goal hnih khungin Champions League match liah a inlan bawk. Villa hian pound maktaduai 40-a lak ngheh theih dan an nei a, mah se lak loh an thlang ta zawk.

Nipui bazarah Man United hian £40mtd thoin Rashford hi hralh an phal dawn a, English forward hian a chhuah theihna tur ṭha ber a ngaihtuah ang.