Shakhtar head coach tur Turan

Shakhtar Donetsk chuan head coach atan Arda Turan an lalut dawn a, June 2027 thleng daih contract a ziak ang. Ukranian club director of football Darijo Srna leh CEO Sergei Palkin ten Turan an lakluh tur hi an tichiang tawh.

Shakhtar Donetsk hi season hman zawh takah khan Ukrainian Cup-ah an champion a, league-ah erawh pathumna an ni thung. May 24, 2025 khan Shakhtar hian manager Marino Pusic chhuah tur thu hi an tichiang a, a thlakna tur chu Turan a ni.

Kum 38 mi Turan hian Turkey tan match 100 a khel tling a, an ram club ṭha Galatasaray bakah Atletico Madrid leh Barcelona tan te pawh a khel tawh. Tun season khan an ram club Eyupspor a enkawl a, an rama league sang ber Turkish Super Lig an vawi khat khelhnaah palina a nihpui a ni.