Brentford-in Kayode an la nghet

Premier League club Brentford chuan kumin Janary thlaa a lakluh Michael Kayode chu Fiorentina nena inremna an neihsa angin euro maktaduai 17.5-in an la nghet. Kum 20 mi Kayode hi Italian a ni a, right back niin Bees tan Premier League match sarihah a inlan.

Kayode hian hmabak êng tak nei a, kum 2024 khan Best Italian Player Under 21-ah thlan a ni a, kum 2023 khan UEFA European Under-19 Championship-ah Italy U19 a champion pui tawh bawk.