Osaka a tla fel nghal

Naomi Osaka chuan French Open 2025-ah hneh a nei lo, a match hmasa berah Paula Badosa chu 6-7 (1-7), 6-1, 6-4 a hneh loin a zinkawng a tawp fel nghal a ni.

Osaka hian fa a neih avangin hun rei tak a chawl lailawk a, chumi hnuah tun hnai hian a khel ṭha ve leh ṭan chiah - French Open hma khan Saint Malo-ah pawh a champion ve hial, mahse a boruak ṭha a chhawmnung thei lo.

Japanese star Osaka hian Grand Slam nomawi pali a vaw chhuak tawh, mahse kum 2023 July thla hnu lamah tennis inelna lianah third round a la paltlang leh ngai lo, tun hma lam boruak a phak lo hle.

Inkhel dangah seeded pakuana Emma Navarro pawh a chak lo - US nula hi Jessica Bouzas nen minute 57 an inkhelh hnuin 6-0, 6-1 in a chak lo zawkah a ṭang a, first round a paltlang zo ta bik lo a ni.