TT inelna nei mek

Mizoram State Sports Council Golden Jubilee Celebration & Mizoram Table Tennis Association Season Opening Table Tennis Championships neih mek a ni.

Inelna hi Mizoram Table Tennis Hall, Kawltheihuan, Mission Veng-ah neih a ni a, Mizoram State Sports Council-in an kum 50 tlin lawmna kal zelah an hnuaia Association in ziak lut zawng zawng te'n Golden Jubiler pual hian tournament an buatsaih ṭheuh dawn a ni.

Table Tennis Championship-ah hian district hrang hrang leh Table Tennis Club 18 aṭangin infiammi 114 te'n Table Tennis inelna huang 14-ah inelna an hmachhawn dawn a ni.

Mizoram Table Tennis Association hian 11 Sports Private Limited, Mumbai nen a ṭangkawpin MTT Hall, Kawltheihuan, Mission veng ah UTT Mizoram Table Tennis Academy tun thla tir aṭang khan an din thar a. Academy-ah hian hun pum a Table Tennis zir tur naupang 8 awmin Coach pahnihin zirtirna hi an pe ṭhin a ni.