NBA Finals-ah Thunder an lut

Oklahoma City Thunder chuan nimin zing khan Minnesota Timberwolves hnehin Western Conference champion an ni a, basketball inelna ngaihhlut ber NBA Finals khel turin an tling chiang ta a ni.

Thunder hian Timberwolves hi 124-94 in an hneh, best of seven series khelh tur chu 4-1 in an la - game hnuhnung pahnih khelh hah ngai loin an tlang fel nghal tihna a ni a, thahrui an khek thei ang.

An chak theih nana tha thawh hlawk tak, NBA Most Valuable Player (MVP) Shai Gilgeous-Alexander chuan, "Hna kan la zo lo a, chuvangin conference champion kan nih hi nasa taka lawm a la hun lo.

"Tunah chuan inelna lian leh hautak zawk hmachhawn turin kan inbuatsaih nghal a ngai," a ti. Shai Gilgeous-Alexander hian game 5 bikah pawh point 34 a hmu leh a, kum 2012 hnua NBA Finals an luh leh theih chhan langsar tak a ni.

Eastern Conference lamah Indiana Pacers leh New York Knicks te an inkhel a, best of seven series khelh turah Indiana hian 3-1 in hma an hruai mek a, tlang turin vawi khat chak an la hmabak.

Conference champion pahnihten NBA Finals an khel dawn, basketball inelna lian bera champion tur hi best of seven series hmang thoin a chak zawk an zawng leh dawn a ni.