Bayern-ah Jonathan Tah a lut

Bayern Munich chuan an elpui Bayer Leverkusen aṭangin Jonathan Tah an la lut - Germany center back Tah hi Club World Cup an khelh hunah an chhawr thei nghal dawn a ni.

Kum 29 mi Tah-a hian Leverkusen tana a contract neih lai a hmang zo a, pawtsei loin Bavarians a zawm ta zawk. Allianz Arena-ah kum 2029 June thleng cham turin contarct hi a ziak.

Germany tana match 35 khel tawh Tah chuan, "Club lian leh ropui tak tan ka khel thei dawn a, ka tan chuan a hlu hle. Bayern Munich player rintlak nih ngei ka tum dawn a, ka ṭhian tharte ten nomawi pawh kan chawi ngei ka beisei," a ti.

Leverkusen hian an coach Xabi Alonso chu Real Madrid lakah an chân a, a hmun ruak luah turin Erik ten Hag an la tawh - player ṭha ṭhenkhat an chân dawn bawk niin a lang a, coach thar tan hna a hautak ang.