A vawi 45 nan Al Ahly an champion

Egyptian Premier League a nih tawh chuan Al Ahly hming a lian, a vawi 45 nan an champion leh ta! League title an lak theih nan hian an match pawimawhah Pharco chu 6-0 in an sawp.

Nilaini zan khan Al Ahly hian Pharco hi an lo mikhual a, Cairo International Stadium-a inkhelah Al Ahly tan Wesam Abou Ali chuan goal li a khung, ani bakah hian Hussein El Shahat leh Emam Ashour ten goal khat ve ve an khung bawk.

Al Ahly hian championship playoff bikah point 77 an hmu a, anmahni hnaih bertu Pyramids chuan point 70 an hmu thung a, season tharah Al Ahly hi Champions League-ah an hmel kan hmu ang.