Inter champion tura duhtu Mourinho

UEFA Champions League final chu May 31, Inrinni zan dar 12:30 hian PSG leh Inter Milan ten an khel dawn. Inter Milan treble champion pui tawhtu Jose Mourinho chuan a club hlui chu European champion ni turin duhsakna a hlan.

Mourinho chuan, "Ka ngaihdan tlang takin ka sawi dawn. Inter an treble champion theih lai khan ka hlauthawng. Treble champion ni lo se ka duh a, a chhan chu treble champion kha ka ta a ni. Tunah chuan league leh Italian Cup-ah an champion ta lo ve ve a, champion turin ka duhsak," tiin a sawi.

Real Madrid leh Manchester United manager hlui chuan sawi chhunzawmin, "Paris-ah Luis Enrique-a'n hna ṭha tak a thawk a, an player ṭha ber chân mah se team ropui tak a din. An champion a nih chuan, Enrique pawh ka lawmpui," tiin PSG pawh champion se, pawi tihna a neih loh thu a sawi.