Arsenal player thar tur Zubimendi

Real Madrid leh Barcelona te nen pawha an sawi zawm ṭhin Martin Zubimendi chuan Arsenal a zawm dawn - Real Sociedad midfielder leh Gunners an inrem tawh a, chanchinbu i chhiar meuh chuan contract a ziak fel tawhin a rinawm.

Kum 26 mi Zubimendi lei nan North London club hian pound makatduai 51 an thehchhuak a, hun rei tak an lo hel tawh chu a takin an la thei dawn ta a ni, ball sem bakah defender te ṭanpui chu a hna thawh thiam chi a ni ang.

Mikel Arteta enkawl Arsenal hian team thuam chak an tum a, chumi kawngah chuan an neih sa pawh thlun ngheh zel an tum - Bukayo Saka, William Saliba, Gabriel, Leandro Trossard, Thomas Partey, Myles Lewis-Skelly leh Ethan Nwaneri te chu hun rei zawk atan contarct zawrh mek an ni.

Striker thar lei ngei an tum bawk a, khawthlang media rintlak BBC tarlan dan chuan tun nipui bazar chhungin Benjamin Sesko emaw Viktor Gyokeres emaw chu lakluh ngei tumin thapui an thawh mek bawk.

Arsenal hian tun hnaiah Premier League nomawi an beiseina a sang ṭhin, mahse pahnihna chinah zel an la awm - nomawi chawi an duh takzet an nih chuan striker ṭha chu an lakluh ngei a ngai dawn niin a lang.