Swiatek lakah Raducanu chak lo

French Open champion lai Iga Swiatek chuan kawng dik a zawh a, third round lut turin harsatna lian tham a tawk lo - Polish nula hian Emma Raducanu chu straight set hmanga hnehin second round a paltlang.

Swiatek hian darkar khat leh minute 19 chhung lekin 6-1, 6-2 in hnehna a chang a, a match lehpekah chuan Sara Bejlek hnehtu Jaqueline Cristian a hmachhawn leh dawn a ni.

Kum 23 mi Swiatek chuan, "Inrintawkna ka nei sang leh tawh hle a, match lehpekah pawh result ṭha ka neih chhunzawm ka beisei," tiin a sawi, clay court inelna lian berah hian a zawnin match 23 a chak mek a ni.

Aryna Sabalenka pawhin a hmaa ding a hneh zel - world number 1 hian Swiss Jil Teichmann chu 6-3, 6-1 in a hneh a, a tan Roland Garros third round lut turin harsatna lian tham a awm lo.

Inkhel dangah season hmasa finalist Jasmine Paolini pawh a chak, Italian nula Paolini hian Ajla Tomljanovic 6-3, 6-3 in a hneh. Olympic champion Zheng Qinwen pawhin Colombian player Emiliana Arango chu 6-2, 6-3 in a hneh ve bawk.