Diamond Harbour-in Norde an bia

30th May, 2025

I League club thar Diamond Harbour chuan Mohun Bagan legend Sony Norde an dawr a, Kolkata club hian season thar atan player an zawng nasa tawh hle.

Kum 35 mi Norde hi Bagan tan I League khelin RG Stadium, Mualpuiah pawh a rawn inlan tawh a, an ram Haiti tan match 27 khel tawhin goal hnih a khung.

Bagan tana a khelh laiin loan hmangin Mumbai City tan a khel tawh a; hemi hnu hian Azerbaijan Premier League club Zira, Malaysia Super League club Melaka United, Terengganu leh Kedah Darul Aman tante a khel a ni.