Real Madrid leh Arnold inrem ta

Trent Alexander-Arnold leh Real Madrid an inrem fel tawh - June 1, Pathianni hian Spanish club lian chuan an player thar hi an tlangzarh dawn a ni.

England international defender hian Liverpool tana a contract neih lai chu nimin khan a hmang zo, man nei loin a chhuak thei - a club thar tan Club World Cup a khel hman ang.

Kum 26 mi Arnod hian Reds tan Premier League, Champions League, FA Cup, UEFA Super Cup leh FIFA Club World Cup te a lo lakpui tawh a, tunah chuan chona thar a hmachhawn dawn ta a ni.

Nipui bazar hi a hun pangngai chu June 16 aṭanga ṭan tur a ni. Mahse, Club World Cup a awm dawn avangin FIFA chuan June 1-10 chhung chu player ziah luh a remti dawn a, chumi hnuah khar leh lailawk a ni ang.

Alexander-Arnold hian Liverpool tan match 352 a khelh aṭangin 23 a khung a, a ṭhiante khung tur vawi 86 a siamsak hman bawk - Real Madrid lamah hian ram tana a khelhpui Jude Bellingham a awm sa bawk.

Spanish club lian hian manager thar Xabi Alonso an nei - Spanish manager hi player a nih lai chuan Reds tana lo khel tawh a ni a, a sulhnu leh chet dan phung chhut chuan Arnold hi a buai lo tura ngaih a ni.