Knicks beiseina a la nung

Jalen Brunson-a point 32 hmuh hmangin New York Knicks chuan Indiana Pacers chu 111-94 in an hneh a, best of seven series khelh laiah 3-2 in la hniam zawk mah se NBA Finals luh an beiseina chu a la nung zel.

Eastern Conference finals khelh laiah Indiana hi an dinhmun a ṭha hman a, tlang turin vawi khat chak chiah an hmabak tawh. Nimin zing inkhelah erawh Knicks chu team ṭha zawk an ni a, point 24 neitu Karl-Anthony Towns a langar hle bawk.

Rebound vawi 13 la teltu Towns chuan, "Game 5 a ni tih kan hria a, chak loh chuan kan tla dawn tih kan hria, thi leh dam kara leng kan nih avang khan a tir aṭangin thapui kan tawh," tiin a sawi.

June 1, Pathianni zing dar 5:30-ah game 6 an khel leh dawn - Pacers hi an chak a nih chuan Eastern Conference champion niin NBA Finals an khel ang. Knicks hi an chak ve leh thung a nih erawh chuan a tlang tru zawk chingfel turin game 7 an khel ve leh dawn a ni.