Man United captain a chhuak dawn?

Season thar inbuatsaiha a hun hmang mek Manchester United captain Bruno Fernandes chuan club a chhuahsan dawn niin a lang, khawtlang media rintlak BBC tarlan dan chuan Fernandes hian chhuah a tum niin a lang.

Tun hnai khan Fernandes-a aiawhte leh Saudi Pro-League club Al-Hilal te an inbia a, hei chu thu chiang a ni. Kum 30 mi Fernandes hian World Cup 2026 khelh ngei a la duh tih pawh a chiang bawk.

Man United manager Ruben Amorim chuan tun thla tir khan a captain hi Old Trafford chhuahsan lo tura a duh thu a sawi tawh, kum li chhung a zawna an club player of the year hi chhuak lo turin a duh.

Mahse, khawtlang chanchinbu rintlak te chuan Saudi club hian pound maktaduai 80 bawrin an lei ngam a, hei vang hian an chhuahtir hreh lo niin an sawi ve thung - nipui bazar lai a nih avangin eng pawh thleng thut thei a ni.