Inbeihna a ni lem lo - Verstappen

Red Bull driver Max Verstappen tan Formula 1 champion nomawi a kawl lai humhim turin hna a hautak dawn. Mahse, McLaren driver pahnih nena an inumna chu hautak leh buaithlak a ni lem lo tih a sawi thung.

F1 champion vawi lo ni tawh Verstappen hian tun season intlansiak pariat an hmachhawn tawhah vawi hnih chiah hnehna a la chang, championship hmahruaitu Oscar Piastri aiin point 25-in a hniam zawk.

Oscar Piastri chauh a ni lo a, ani bakah hian Max-a chungah Lando Norris a la awm bawk. Mahse, Verstappen hian a vawi nga nan champion theih ngei a inring a, tun kar tawpa Spanish Grand Prix an tlan tur atan pawh beisei a nei sang hle.

Dutch tlangval Verstappen chuan, "Kei chuan midang chet dan leh an thil tih ka ngaihtuah lo a, intlansiak hmasa zawk aiin engtianga ṭhain nge ka tlan theih ang tih a pawimawh zawk.

"Nuamti takin intlansiak hmachhawn ila, chumi hnuah result ṭha chu a lo thleng mai ang. Midang ka ngaihthah no loin, driver dangte chet dan chhut vak ai chuan mahni chet dan aṭanga hmasawn tum mi zawk ka ni," a ti.