Sanga record a ropui zel

Republic Veng enkawltu Lalsangzuala Hmarin a la champion ngai lohna CYMA Football-ah nomawi a chawi ta a, a record a ropui belh zel.

'Ka thawhpui coaching staff-ten engkim ruahmanna an siam fel thlap a, player-te hi champion châkin an tuihal. An thuawihna leh an inlungrualna hian keimah ngei pawh hi thatchhe lo turin min fuih. Zara, Francis leh Nghaka ten ka mamawh tur leh ka tih tur min hrilh char char a, an hnathawh ropui tak kha ka lo rem khawm mai zawk a ni. Manager Sangmawia, Mahuma leh Remruata ten a ṭul ang an lo ti vek bawk, anni hi fak tur chu an ni.

Hetiang em em hian Republic veng mipui hian football an lo âtchilh hi a mak ka ti. Anni hian player leh coaching staff-te min nawr kal a ni ber. Ruahsur hnuaia pawh an hmel hmuh kha a nuam. Kan hlawhtlinaah hian anni hi nomawi chawitu ber chu an ni chiang.'

- Lalsangzuala Hmar, Republic Veng coach