Inter-School Futsal Tournament khel zo

Ardeco Construction Inter-School Futsal Tournament chu May 31, Inrinni khan R. Dengṭhuama Indoor Stadium, Mualpuiah khelh zawh a ni ta a, Springfield HSS 'A', Government Comprehensive Model School leh Mount Carmel School te an champion.

Hmeichhe futsal inelnaah Springfield HSS 'A' an champion a, an school team tho Springfield HSS 'B' chu 9-3 in an hneh.

Junior Boys inelnaah Government Comprehensive Model School an champion a, inkhel hmuhnawm takah Carolyn Elementary School chu 3-2 in an hneh. School Boys inelnaah Mount Carmel School an champion a, Home Missions School 'A' chu 8-3 in an hneh.