TT inelna lian an zo fel

MSSC Golden Jubilee Celebration & Mizoram Season Opening Table Tennis Championship 2025 chu Zirtawpni khan zawh fel a ni.

Kum 2025-2026 Season chhunga Mizoram Table Tennis Association buatsaih, tournament hmasa berah hian, category 15 ah inelna neih a ni. Championship-ah hian district hrang hrang leh club hrang hrang 18 aṭangin infiammi 114 an tel thei a ni.

Championship-a inelna ngaihhlut ber, men's singles-ah Jeho Himnakulhpuingheta, Hopes TT Club chuan Alberto LR. Ruata, Hopes TT Club tho chu 4-2 a hnehin a champion.

Women's singles-ah Lalthansangi Sailo, Twister X TT Club chuan 4-0 in Caroline Malsawmkimi, Hopes TT Club chu hnehin a champion bawk.

Category 3-a Gold leh Silver pali la thei club thar UTT Mizoram TT Academy te chu a pumpuia champion an ni.

Most Promising player-ah Lalrinchhana leh Hmingsangmawii, UTT Mizoram Table Tennis Academy ami te thlan an ni.