Evans-a'n inkhelh a chawlhsan

Jonny Evans chuan Manchester United-a a contract a tawp hnuah professional football a chawlhsan thu a puang. Evans hian season liam ta khan Man United match 13 khelin goal khat a khung.

Kum 37 mi Evans hian football-ah sulhnu a nei ṭha a; Champions League-a a champion bakah Premier League nomawi vawi thum, League Cup vawi hnih bakah FA Cup leh Club World Cup-ah vawi khat ve ve a champion.

Evans hian an ram Northern Ireland tan match 107 a khel a, goal ruk a khung bawk. Nikum kum 2024 khan ram tana inkhelh hi a chawlhsan tawh a ni.