Harsa takin Gauff a chak

Coco Gauff chuan French Open champion nih a la tum zel - American star hian Marie Bouzkova lakah fiahna hautak a paltlang a, inkhel hmuhnawm takah 6-1, 7-6(3) a hnehna changin last 16 a inhlangkai.

Season hmasa khan Gauff hian Paris khawpuiah hian semifinal a lo thleng tawh, kuminah a sang zawk thlen ngei a tum ang - thleng sang tur erawh chuan service ṭhat bakah tihsual neih tlem a pawimawh dawn.

Bouzkova lakah Gauff hian set khatna bikah a service a hum ṭha em em a, a ball vuak hmasak a dik ṭhin bawk. Mahse, set hnihnaah a service a tlahniam a, a khingpui in beihlet theihna remchang a hmuh phah nual a ni.

US Open champion lo ni tawh Gauff hian a match lehpekah chuan, world number 20 Ekaterina Alexandrova a hmachhawn dawn avangin hna a awlsam dawn lo tih a sawi lawk ngam.