Beckham-a'n Ronaldo aiin Messi a dah sang
England legend David Beckham chuan Barcelona thiampuipa Lionel Messi chu khawvela footballer ṭha ber a nih thu a sawi a, "Amah hnaiha awm tu mah an awm lo," a ti!
MLS club thar Inter Miami neitu Beckham chuan, "Messi hi chu class hran daih a ni a, ama 'class' bikin a awm tawp a ni. Amah ang player dang an awm hi thil theih a ni lo," tiin Argentine news agency lian Telam-in an kawmnaah a sawi.
Paris Saint-Germain tan a khelh laia Messi lo hmachhawn tawhtu Beckham chuan, "Cristiano Ronaldo pawh hian khing phatu a neiin ka hre lo a, mahse Messi erawh a chungah a la awm cheu a ni," tiin Barcelona forward chu a dah sang hle.
Champions League 2012-13 quarterfinal-ah khan PSG leh Barcelona an inhmachhawn a, hetihlai hian Beckham chu French club tan a la khel - away goal rule hmangin Barca hi an tlang.