Veteran TT Championship zo fel

Mizoram Table Tennis Association hnuaia veteran sub-committee buatsaih 1st Mizoram Veteran Table Tennis Championship chu Mizoram Table Tennis Hall, Kawltheihuan, Mission Vengah November 20-22 khan khelh a ni. Mizoram number 1 lo ni reng tawh ṭhin Basanta Meisnam chu men's above 35 singles champion a ni.

MTTA hian November 14-19 chhunga National Table Tennis Ranking Championship an thlen tur atan inbuatsaihna an neih chho mek a, R. Deng-
ṭhuama Multipurpose Indoor Stadium, Mualpuia inelna neih turah hian India ram a TT thiam mi 600 chuangin inelna a rawn tel turin an hming an pe lut tawh. Hming pe lut zingah hian mens singles-a India number 1 ni lai mek leh thla hmasa a ITTF World Tour, Belgium Open a champion G. Sathiyan pawh a tel.

Results Kimchang

Men’s above 35 singles

Basanta Meisnam, Laipuitlang

Men’s above 35 team

TechMaze

Women’s above 35 singles

Ngurhmingliani Sailo, Dawrpui Vengthar

Men’s above 45 Singles

Samuel Ramdinthara, Mission Vengthlang

Men’s Above 45 Team

RL Ninja

Men’s above 50 singles

R. Lallunghnema, Model Veng

Men’s above 55 singles

Lawmsanga, Durtlang